Impakaammo ti City Social Welfare and Development Office (CSWDO) a balligi a naipaay dagiti nagduduma a serbisyo kadagiti senior citizens iti nagduduma a babbarangay iti siudad ti Baguio iti umuna a kwarter ti 2026.
Sigun kenni CSWDO head Liza Bulayungan, dagiti naipaay a serbisyo ket dagiti sumaganad: local cash incentives para kadagiti non-agenarians and centenarians, social pensions para kadagiti indigent senior citizens, ken cash gifts para kadagiti octogenarians, nonagenarians, and centenarians.
Innayonna a manipud iti bulan ti Enero agingga Marso ita a tawen, nakaipaay ti siudad iti P10,000 iti 29 a nonagenarians bayat a naipaay met ti P20,000 local cash incentives iti 7 a centenarians.
Uppat met a babbai nga agtawen iti 101 ken agpangato ti naipaayan iti sag-P5,000 a cash gift manipud iti lokal a gobyerno ti siudad.
Impakaammo ni Balayungan nga adda ti pakabuklan a 6,155 a benepisyaro iti social pension para kadagiti senior citizens iti umuna a tallo a bulan.
Innayonna a dagiti kangrunaan a lima a kaaduan ti benepisyaryona ket Irisan no sadino 808 a senior citizens ti nakaawat iti nasao a serbisyon, sumaruno ti Asin Road iti bilang a 307 beneficiaries; San Luis Village nga addaan bilang a 219; Pinget iti bilang a 161, ken Barangay Fairview iti bilang a 159.
Iti pakabuklan, agarup P2.62 Milyon ti naipaay a cash gifts para kadagiti octogenarians wenno dagiti agtawen iti 80 ken 85 para iti umuna a kwarter laeng.
Naipaay met ti pakabuklan a P670,000 kadagiti nonagenarians wenno dagiti agtawen iti 90 ken 95.
Pito met a babbai a centenarians ti naipaayan iti sag-P100,000 cash incentives.
Ti panangipaay kadagiti nasao nga assistance ket mailinya iti probisyon ti Republic Act (RA) 11982 ken ti National Commission on Senior Citizens (NCSC). //bombokaren.c.sapirao
