Naipaskil dagiti nagduduma a signage kas iti “No Urinating,” “No Parking,” “No Stopping Anytime” iti Half Tunnel idiay Halsema Highway Km.46, Paoay, Atok, Benguet kas palagip kadagiti biaheros a saanda nga agis-isbo iti nasao a tourist destination.
Daytoy ket kalpasan a napaliiw a dagiti agsarsardeng a biahero, lokal man wenno turista ket agis-isbo sadiay rason nga umang-angot daytoy.
Adda met ti comfort room iti nasao a lugar a mabalin a pag-isbuan ngem kasapulan laeng nga agbayad para iti maintainance daytoy.
Ti Half Tunnel ket maysa kadagiti tourist spot iti munisipyo ti Atok rason a rumbeng a mapagtalinaed ti kinapintas ken kinadalus daytoy tapno maallukoy pay dagiti dadduma a turista nga agbisita sadiay.
Gapu iti dayta, makidkiddaw ti disiplina ken kooperasyon ti tunggal maysa tapno agtalinaed ti Half Tunnel kas maysa a tourist destination iti nasao a munisipyo.
