Binigbig ti Department of Health-Cordillera (DOH-CAR) dagiti nagduduma nga ahensya ti gobyerno iti rehiyon Cordillera kas Nationally Certified Healthy Workplace para iti tawen 2025-2026.
Karaman kadagiti naipaayan iti nasao a pammadayaw ket ti lokal a gobyerno ti siudad ti Baguio, Department of Social Welfare and Development-Cordillera, Department of Labor and Employment-Cordillera, ken Baguio General Hospital and Medical Center.
Ti siudad ti Baguio met ti kaunaan a local government unit iti rehiyon Cordillera ken iti pagilian a Pilipinas a nakaawat iti nasao a pammadayaw.
Ti Healthy workplace award ket naipaay iti siudad babaen iti Healthy Workplace Certification Program ti DOH-Cordillera no sadino mabigbigbig dagiti nagduduma nga institusyon nga aktibo iti panangsigurado iti natalged ken healthy work environments para kadagit empleyado da .
Naibasar daytoy iti National Policy Framework on the Promotion of Healthy Workplaces iti sidung ti Joint Administrative Order No. 2023-0001 nga in-isyu ti Department of Health, Civil Service Commission, ken Department of Labor and Employment.
Karaman kadagiti kinitada tapno maipaay ti nasao a pammabigbig ket dagiti pito a priority health areas kas iti mental health, healthy diet and physical activity, substance use prevention occupational safety and health, psychological well-being, healthy lifestyles and employee participation in workplace health and safety programs.
Panggep metlaeng ti nasao nga initiatiba nga i-encourage dagiti local government units ken organisasyon a pagtalinaeden ti natalged ken adadda a productive workplace. //bombokaren.c.sapirao
