BAGUIO CITY – Nagduduma nga aktibidad ti maisaysayangkat ita sadiay Kalinga kas panakipaset dagitoy iti 18-day campaign to end violence against women.
Karaman ditoy ti panagsuot iti bado nga agmaris ti kahel ken ti panagsapata para iti panagtulnog iti Safe Spaces Act ken iti panagtulong iti gobyerno ken nagduduma nga organisasyon iti programa ken proyekto dagitoy a mangital-o iti natalged anga komunidad para kadagiti babbai ken ubbing.
Manarimaan metlaeng ti infomercial contest kadagiti opisina saiday ken arkosan dagiti opisina ti pagtrabahuan dagitoy iti maris kahel.
Sigun kenni Kalinga Provincial Social Welfare and Development Officer Rosemaritez Oyawon, mailabsing iti kultura ti Kalinga ti kinaranggas kadagiti babbai.
Kinunana a nupay bassit laeng ti kaso ti panagrames sadiay Kalinga, maibilang latta daytoy a makapa-alarma.
Inyunay-unayna a ti ‘acceptable’ ket ti kaawan ti kaso ti aniaman a kinaranggas kadagiti babbai.
Impettengna a nasken a masuportaran ti agdama a kampanya tapnu agbalin a natalged ti amin a lugar kadagiti ubbing ken babbai.
