--Ads--
BAGUIO CITY – Nagduduma dagiti naisagana nga aktibidad dagiti babbarangay ti siudad ti Baguio kas paset ti panagrambakda iti holiday season.
Karaman kadagiti naplano nga aktibidad ti ornamental plant enthusiast consumer fair, lantern-making competition, car raffle-for-a-cause ken dadduma a lokal nga aktibidad.
Maisayangkat ti consumer fair dagiti plant enthusiasts wenno dagihti plantitos ken plantitas inton Huwebes agingga Sabado sadiay Igorot Garden a maitunos kadagiti programa tapnu maksayan ti stress ken panakaburyong nga intunda ti agdama a pandemya.
Nakedngan met a maysa laeng ti entry ti tunggal barangay iti lantern-making contest ken dagiti parol ket nasken a handmade ken naaramid kadagiti materyales a maala iti siudad.
