BAGUIO CITY – Agtultuloy dagiti sumagmamano nga aktibidad ti muslim community iti siudad ti Baguio kagiddan ti obserbasyon ti Ramadan.
Karaman ditoy ti panangidasarda ti Iftar ken ti panagkararagda kadagiti moske.
Iti interview ti Bombo Radyo kenni Joel Omar, Barangay Captain ti Campo Filipino, kinuna a nangrugi ti Ramadan itay laeng kanikadua bayat nga agleppas inton Abril 11 wenno Abril 12 apaman a maimatanganda ti bulan.
Dinakamatna nga agbayag iti dua pulo ket siyam nga aldaw ti panag-ayunar dagitoy nu sadino maiparit kadakuada ti mangan, makidenna kadagiti asawada ken dadduma pay.
Kabayatanna, impeksa ni Omas a manamnama nga agtataripnung ti muslim community iti Baguio Athletic Bowl wenno iti Melvin Jones iti maudi nga aldaw ti Ramadan.
Dinakamat ni Omar a nu malpas ti Ramadan ket sumaruno met ti Eid al-Fitr.//Rosemarie Bulsao
