BAGUIO CITY- Maital-o ti maysa kadagiti kangrunaan a delicacy ti Cordillera a watwat iti “Mangan Taku” food festival ita a tawen.
Maibasar iti Executive order No. 46, series of 2022, naideklara ti April 27 aginggana April 30 ti nailatang nga aldaw para iti selebrasyon ti Mangan Taku 2022 – Watwat Edition.
Ti Mangan Taku food festival ket nagbalin nga institusyunal idi tawen 2019 kalpasan a nabukel ti maysa nga ordinansa ken maangay daytoy tunggal maikadwa a lawas iti Abril kas paset ti Summer Vacation activities ditoy lokalidad tapno maital-o iti Cordilleran cuisine.
![](https://img.bomboradyo.com/baguio/2022/04/278707773_533760348313396_5736617546501425311_n.jpg)
Nadutukan met ti Department of Tourism- Cordillera (DOT CAR) ken lokal a gobierno ti syudad a mangidaulo iti nadakamat nga aktibidad
Maipalagip a daytoy met laeng nga aktibidad ket naibasar iti Proclamation No. 469 idi 2018 a nangideklara iti bulan ti Abril a “Buwan ng Kalutong Pilipino” wenno Filipino Food Month tapno maitandudo ti panang-aprisiar, panangpreseba ken panakaital-o iti Philippine culinary traditions and treasures
Babaen iti daytoy ket maipatawid dagitoy iti sumarsaruno a henerasyon.
Dakkel met a suportar daytoy nga aktibidad kadagiti nagduduma nga industriya, mannalon ken gardenero, nangruna dagiti agricultural communities.