Dumanonen iti 18 nga estado ti nangideklara iti state of emergency idiay Estados Unidos gapu iti mapaspasaran a winter storm.
Pakairamanan daytoy ti Alabama, Arkansas, Delaware Georgia, Kansas, Kentucky, Louisiana, Maryland, Mississippi, Missouri, New Jersey, New York, North Carolina, Pennsylvania, South Carolina, Tennessee, Texas,Washington, D.C. ken Virginia.
Dumanon metten iti 8,300 a flights ti nakanselar agingga ita nga aldaw ngem posible pay a ngumato daytoy.
Iti bilang dagiti nakanselar a flight, ti Dallas-Forth Worth ti nailista a kaadwan.
Mainaig iti dayta, makitkita met a dakkel ti pangta ti yelo iti abagatan a paset ti nasao an pagilian a mabalin mangapektar iti Dallas, daduma a paset ti Arkansas, Atlanta, North Carolina, Tennessee, Virginia ken Washington, D.C.
Napasaran metten ti agingga maysa a pulgada a kapuskol ti yelo a mabalin a mangparalisa kadagiti daldalan wenno kalkalsada partikular iti daduma a paset ti Mississippi ken la-ud a Tennessee.
