BAGUIO CITY- Inlawlawag ni Engr. Larry Esperanza, Chief Meteorologist ti Philippine Atmospheric, Geophysical and Astronomical Services Administration (PAGASA)-Baguio, dagiti nagdumaan ti El Niño ken La Niña a mapasaran iti pagilian a Pilipinas.
Iti pannakiuman ti Bombo Radyo kenkuana, kinunana a bambantayan dagitoy ti temperature sea southeast tapno maamwan ti kasasad ti panawen.
Gapu iti daytoy, kinunana a nakita dagitoy ti negative 5 degrees celcious, kayatna a sawen adda ti La Nina bayat a no nangatngato daytoy iti 5 degrees celcious ket adda ti El Niño.
Nupay kasta, inlawlawag ni Esperanza a paturong pailaeng ti panawen iti “neutral” nu sadino saan pay a dagus a marikna ti panawen ti El Niño wenno La Niña.
Kabayatanna, innayonna a manamnama a bumaba ti temperatura iti pagilian inton sumaruno a lawas kagiddan ti panagserrek ti rainy season.
