Baguio City- Impakaammu ni retired Chief PNP Rodolfo Azurin Jr a posible a mangirekomendarda iti baro a miembro ti Independent Commission for Infrastructure (ICI) kalpasan ti panaglusulos dagiti miembro dagitoy idi napalabas a bulan ti Disyembre 2025.
Sigun kenni Independent Commission for Infrastructure wenno ICI Special Adviser Azurin, ad-addalen ita ti komisyon nu kasapulan kadi a masukatan dagiti immikat a miembro ti ICI.
Idi Disyembre 2025, nag-resign kas miembro iti ICI da sigud a DPWH Sec. Rogelio Singson ken Public Acountant a ni Rosanna Fajardo.
Mainaig iti daytoy, impetteng ti opisial nga awan ti naawat dagitoy nga abiso wenno pakdaar nu maikkaten ti Independent Commission for Infrastructure rason nu apay nga agtultuloy ti mandato da nga inted ni President Ferdinand “Bongbong” Marcos Jr.
Innayon pay ti opisyal nga addan dagiti intedda iti opisina ti Ombudsman a resulta dagiti insayangkatda nga imbestigasyon iti flood control anomalies nu sadino, maur-uray ti pinal a pangngeddeng iti opisina ni Ombusdman Jesus Crispin Remulla sakbay a maiturong idiay Sandiganbayan para iti umno a pannakaipila dagiti kaso.
Agtalek pay ni Azurin nga adda dagiti makasuan nga indibidual ken opisyal iti gobierno gapu ta naipasidong iti nainget a panagsukimat ken imbestigasyon dagiti persons of interest manipud iti Independent Commission for Infrastructure.
