--Ads--
BAGUIO CITY – Dinnayeg ti nagsaruno a gingined ti siudad ti Baguio itay pasado alas onse ti agsapa.
Segun kenni Dandy Camero, science research specialist ti Philvolcs-Baguio, nailista ti 3.0 magnitude wenno intensity 2 a gingined iti alas-11:34 itay agsapa.
Nailista daytoy iti innem a kilometro iti abagatan (south) ti siudad ti Baguio ken addaan kauneg a sangapulo ket lima a kilometro.
Kabayatanna, nailista ti 2.4 magnitude wenno intensity 1 a gingined iti alas-11:37 ti agsapa.
Nailista daytoy iti maysa a kilometro iti abagatan (south) ti siudad, ken addaan kauneg a tallopulo a kilometro.
Dagiti dua a gingined ket tectonic in origin ken awan met ti nadangran wenno nadadael iti nasao a panagdayyeg.
