--Ads--

BAGUIO CITY – Impeksa ti maysa a police officer ti kaririknana seknan iti nagsasaruno a kriminalidad iti pagilian gapuanan dagiti saan a naikalintegan nga aramid dagiti kameng ti pulisya.

Inaklon ni BCPO Station 5 Pol. Capt. Bob Stephen Paguirigan a naapektaran daytoy iti maipadpadamag a panangpapatay dagiti pulis iti sibilyan ken padada metlaeng a pulis.

Nupay kasta, impagetgetna a saan a rumbeng nga agpapada ti panangkita ti publiko iti PNP gapu iti dakkes nga aramid dagiti sumagmamano a kameng daytoy.

Kinunana a pagbalbalinenda nga adal dagiti pasamak tapno ad-adda pay a mamintinirda ti naituding a standard a rumbeng a gun-oden ti maysa pulis manipud Cordillera.

Inayonna a rumbeng a maiyadayo ti padrino wenno baro-baro system iti panagrecruit kadagiti aplikante ken nasken a dumalanda pay iti neuro exam, medical exam, training ken daduma pay a proseso tapno maipasigurado a maikari metlaeng dagitoy iti posisyon.