Makidar-ay iti panagdenggeg dagiti opisial a naimbitaran iti imbestigasion ti Senado seknan iti pannakakemmeg ni sigud a President Rodrigo Duterte inton Abril a diez, sigun kenni Senate President Francis “Chiz” Escudero idi kalman.
Kinunana a saan a mabalin a saan a makipaset dagiti inimbitaran ni Senador Imee Marcos nga opisial iti nasao nga aldaw.
Maibasar iti website ti Senado idi Abril a tres, naituding ti Senate foreign relations committee hearing inton Abril a otso, ngem naiyakar daytoy iti Abril a diez.
Kinuna pay ni Senador Escudero a saan a kasapulan ti subpoena para kadagiti naimbitaran a resource persons tapno laeng makipaset iti panagdengngeg.
Nupay kasta, mabalin nga invoke dagitoy ti executive privilege nu sumungbatda ti damag iti panagdengngeg.
Maipalagip a kinuwestunar dagiti Senador ni Torre, director ti police Criminal Investigation and Detection Group (CIDG), seknan nu kasanoda a kinemmeg ni sigud a President Rodrigo Duterte idi Marso a onse.
