Inawagan ni Senator Grace Poe ti atensyon iti Land Transportation Office nga ingetan daytoy ti pangiyimplimintarna kadagiti pagalagadan seknan iti panakaipaay kadagiti driver’s license tapno masigurado a dagiti indibidwal a mangala iti daytoy ket kwalipikado.
Inyunay-unay ti senador a ti kinatalged iti panagdalyasat kadagiti kalkalsada ket adda iti ima dagiti kwalipikado, sanay, ken drivers nga agtultulnog iti reglamento iti panagmaneho.
Ti apela ni Senator Poe kadagiti kameng iti LTO ket kalpasan dagiti nagsasaruno nga aksidente a napasamak nu sadino, adun nga indibidwal iti pimmusay.
Impettengna a masapol a saan nga agpakampante wenno nalukay kontra kadagiti pasaway a drivers ken daduma pay nga aglablabsing iti linteg trapiko tapno maliklikan ti aksidente.
