BAGUIO CITY-Impanamnama ti Public Order and Safety Division nga agtultuloy ti nainget a kampanya dagitoy kontra kadagiti agpalpalama iti siyudad ti Baguio.
Iti interview ti Bombo Radyo kenni Public Order and Safety Division Chief Daryll Kim Longid, nupay kasta kinunana nga agtultuloy ti pananagwanawan dagitoy iti siyudad ti baguio tapno malapdan ti panagadu ti bilang dagiti agpalpalama iti loklidad.
Kinunana a maysa kadagiti iwanwanawan dagitoy ket ti posible a panagpammarang dagiti dadduma kas Persons with disabilities tapnu laeng agpalimos dagitoy.
Innayonna nga awan met ti naimatanganda a nga agpalpalama nga iti siyudad nga Indigenous People manipud Mindanao.
Kabayatanna, inaklonna met a maysa kadagiti parikut ket ti panagpalpalama dagiti indibidual nga addaan iti sakit iti panunot.
Kinunana a dagitoy ket iyum-umanda kadagiti pag-agasan ditoy lokalidad.//Rosemarie Bulsao
