Maipatungpal ti nainget a monitoring iti P107.4 bilion a badyet ti flood control budget para iti tawen 2027.
Sigun kenni DPWH Secretary Vince Dizon, nainget a sinukimat iti ahensia dagiti proyekto a mairaman iti budget tapno maipasigurado nga adda iti nalawag ken nasayaat a plano kadagitoy.
Saan laeng a gobierno nu diket kasta metlaeng dagiti local government unit (LGU), civil society organizations, NGOs, ken publiko ti rumbeng nga agbantay iti panagaramat iti pondo.
Nababbaba ti P107.4 bilyon ti alokasion nu idilig kadagiti napalabas a flood control budget a dumanon iti dandani P300 bilion tunggal tawen.
Kinuna ni Dizon a rumbeng a nakabasar iti aktual a kasapulan kadagiti komunidad dagiti proyekto ken nakikoordinar ti DPWH kadagiti lokal a gobierno ken eksperto iti panagplano.
Karaman kadagiti longterm solution a maad-adal ket dagiti dam, water-retention structures, ken singasing nga spillway manipod Laguna Lake paturong iti Manila Bay.