Agtultuloy latta ti panangital-o ken nainget a panagbantay dagiti Local Government Units iti probinsya Benguet kadagiti maibibyahe ken maisangsang-at a karne ti baboy, sibibiag man daytoy wenno saan.
Daytoy ket kagiddan paylaeng ti panagraira ti nasao a sakit iti pagilian a Pilipinas.
Gapu iti daytoy, adda dagiti agbambantay kadagiti entry points idiay Sablan, Marcos Highway, Kennon Road, ken Mankayan.
Iti pannakiuman ti Bombo Radyo kenni Benguet Governor Melchor Diclas, kinunana a kasapulan a masukimat dagiti pagapgapuan dagiti paylaeng baboy rason a nainget ti panagbantay dagitoy baente kuatro oras.
Kinunana nga adda dagiti naideploy nga agbantay kadagiti amin nga entry points no sadino masuksukimat ti nagtaudan dagitoy gaputa adda dagiti sumagmamano a lugar a naipasidong iti red alert gapu paylaeng iti nasao a sakit.
Malaksid iti dayta, mamonmonitor metlaeng dagiti business permits dagiti agideldeliver gaputa kasapulan a maamaun dagiti impormasyon dagitoy.
