Binagaan ni Baguio City Mayor Benjamin Magalong ti City Environment and Parks Management Office (CEPMO), Public Order and Safety Division (POSD) ken Baguio City Police Office (BCPO) nga ingetanda ti panagbantay kadagiti karayan ken dadduma pay a bodies of water iti siudad.
Mainaig iti dayta, nagpalagip ni CEPMO Officer Atty. Rhenan Diwas ken CEPMO Environment Management Division (EMD) Head Sofronio Pascua nga strikto a maiyem-implementar ti “one strike policy” iti pannakaipaulog ti notice of violation (NOV) kontra kadagiti residente, pagtaengan, ken establisiyemento nga agidisdispose wenno agibelbeleng iti basura ken excrements iti aglawlawlaw.
Apaman a maipaulog ti notice of violation, agbayad dagiti violators ti P5,000 nga administrative penalty ken mangipatumpal iti kanayunan a corrective measures iti las-od ti tallo nga aldaw.
Maipila metlaeng ti kaskenan a kaso kontra iti violators nu kasapulan babaen iti City Legal Office (CLO).
Maipalagip a kanayon nga ipaganganetget ni Mayor Magalong ti kinapateg ti panangprotekta kadagiti karayan ken bodies of water ti siudad.
Imbilin pay daytoy ti agtultuloy nga inspeksyon iti sidung ti “Oplan Karanyan” campaigh manipud iti napalabas a tawen.
Nagpalagip met daytoy a ti panangibasura ti solid water ken wastewater kadagiti kanal ken waterways iti siudad ket panaglabsing iti city Environent Code ken Republic Act 9275 wenno Clean Water Act.
Sigun iti kaudian a rekors ti CEPMO, agarup 346 ti naisyuanen iti notice of violation ita a tawen; 123 kadagitoy, nagcomply ken 31 ti nagbayad iti penalty.//bombokaren.c.s
