BAGUIO CITY – Impanamnama ti Municipal Environment and Natural Resources (MENRO) – La Trinidad ti panakabantay dagiti communal forest kontra kadagiti informal settlers, claimants ken dadduma pay nga agbalbalin a pangta iti panakasalwad iti communal forest sadiay.
Iti panakiyuman ti Bombo Radyo kenni Arthur Pedro, Designate Officer ti MENRO La Trinidad, kinunana a regular a bambantayanda dagiti forest rangers dagiti nagduduma nga iligal nga aktibidad kadagiti kabambantayan wenno kabakiran sadiay.
Dinakamatna a dakkel ti tulong dagiti umili a mangiyum-uman kadagitoy tapnu dagus a maaksionan dagiti pakaseknan kadagiti communal forest apaman nga ada dagiti mangipatpatungpal iti nasao nga aktibidad.
Kinunana a laraman a bambantayanda ita ti uppa a communal forest sadiay La Trinidad.
Imbinglayna ti panangimuntarda metten iti alad iti maysa a proyekto ti developer sadiay Shilan Communal Forest kasaruno ti iligal a patrabaho sadiay.
Naamoan nga immunan a napilaan iti kaso ti maysa a patrabaho ti maseknan a developer iti abay meltaeng ti Shilan Communal Forest kasaruno ti panakaiserbi ti Cease and desist order ken ti panangipili ti LGU La trinidad iti Temporary environmental protection kontra kadagitoy. (with Bombo Razced Pagoli)
