Nakompirmar nga adda ti imported a broccoli a naiserrek iti munisipyo ti La Trinidad.
Iti pannakiuman ti Bombo Radyo kenni Mayor Roderick Awingan, kinunana a nakompirmar iti panagturongda iti opisina ni Atty. Jennilyn M. Dawayan, Regional Director ti Department of Agricuture (DA) nga adda ti legal nga imported a broccoli iti nasao a lugar.
Maibasar iti datos nga impakita ti ahensiya kadagiti maseknan nga otoridad, bassit ti naaprobaran a kinaado ti imported a broccoli.
Sigun kenni Mayor Awingan, aksiptaren dagitoy to legal nga imported a nateng.
Nupay kasta, kidkiddawenda iti Department of Agriculture (DA) ken Bureau of Plant Industry (BPI) a malimitaran tapno saan a maapertarakan dagiti mannalon iti lokalidad.
Kabayatanna, nabilin dagiti market administrator iti La Trinidad Vegetable Trading post a sukimatenda a nalaing dagiti mailaklako nga imported a nateng iti trading post.
Sigun kenni Mayor Awingan, nainget a maiparit dagiti anya man nga imported a nateng a mailako iti nasao a trading center.//mp4