BAGUIO CITY – Ngimmato ti bilang dagiti agsigsigarilyo ditoy siudad ti Baguio.
Inaklon daytoy ti Cecil Agpawa manipod iti Smoke Free Baguio Project
kas maibasar iti obserbasion dagitoy kadagiti napalpalabas a bulan.
Imbinglay na a kadawyan a saanda a maak-aktuwan dagiti agsigsigarilyo gaputa kaaduan kadakuada ti mangar-aramid iti daytoy kadagiti pagtaenganda
Iti baet daytoy, impannakel ti opisyal a bimmaba ti bilang dagiti matiltiliwda nga establshimento nga aglablabsing iti anti-smoking ordinance ti siudad kasaruno ti panakaiparekkep dagiti dadduma nga establishimento.
Iti met naangay a taripnong ti opisinada, natalantan dagiti maidesignar nga smoking areas ditoy siudad tapno maitunos iti pagalagadan ti gobyerno a naituding iti agdama a pandemya.
Dinakamat ni Agpawa a maysa a pakaur-urnongan dagiti tattao dagiti Designated Smoking Areas (DSA) isu’t gapuna a nasken a maobserbaran ti 50% capacity tapno maobserbaran ti panakamintinir iti social distancing
Malaksid iti dayta, malimitaran ti oras ti panagtalinaed dagiti agsigsigarilyo kadagiti smoking areas.
ni Cecil Agpawa manipod iti Smoke Free Baguio Project
