--Ads--
Manamnama a tungpalen ti Kamara ti pammilin ti Senate impeachment court ngem saan paylaeng nga ita gaputa saan pay a nangrugi ti 20th Congress, sigun kenni House Deputy Majority Leader Rep. Francisco Paolo Ortega ti La Union.
Daytoy ket kasaruno ti panangisubli ti Senado kadagiti articles of impeachment kontra kenni Vice President Sara Duterte iti Kamara.
Kiniddaw pay ti Senado ti panangsertipikar a saan a sinalungasing ti Kamara ti one-year ban a panangipila ti impeachment complaints.
Kabayatanna, dagiti sumagmamano a mammanday-linteg a mangsupsuporta ti impeachment ni Vice President Sara Duterte ket agtaltalinaed iti posisionda agingga iti 20th Congress.
