BAGUIO CITY – Nasarakan ti bangkay ti maysa a babai a nakakakabil iti sako sadiay Camp 2, Twinpeaks, Tuba, Benguet idi kalman.
Maibasar iti blotter ti pulisya, paturong iti karayan ti maysa a maseknan a residente idi nakitana ti maysa a sako.
Lukatanna kuma ti nasao a sako idi nakitana ti ima ken likod ti maysa a tao isut gapuna a dagusna a kinontak ti Police Compac sadiay Camp 1, Kennon Road, Tuba, Benguet.
Ti biktima ket nakagalut ti sakana ken natalyan ti tenngedna babaen iti tire wire.
Daytoy ket agtayag iti 5’10, mapattapata nga agtawen iti duwapulo, addaan iti fair skin ken nakasu-ot iti black a hair band.
Nakasu-ot daytoy iti pink a long sleeves; maong pants a LEE, purple nga under wear; black a bra with pink lining, adda ti birth mark daytoy a siding iti left thigh, ken adda braces iti upper teeth daytoy.
Iti resulta ti otopsiya nga insayangkat ni PSupt. Rodrigo Leal, medico legal officer ti SOCO, naamuan a nagsagrap daytoy iti tallo a tama ti paltog iti likod ken maysa iti kanigid nga ima daytoy.
Kabayatanna, kinunana a tallo agingga uppat nga aldaw ti napalabas a pimmusay ti biktima.
Naamoan a sipud idi kanikadwa ket nakita dagiti residente ti sako ngem saanda a pinagan-ano agingga idi kalman iti ala una ti malem.
Iti agdama ket adda sadiay Bahay Damayan ti bangkay ti babai ken agingga ita ket saan paylaeng a nabigbig.
