--Ads--
MANKAYAN, BENGUET – Nauram ti maysa a balay idiay Sitio Nacawa, Guinaoang, Mankayan, Benguet idi kalman ti agsapa, Nobyembre 7.
Dagus met a nirespondean daytoy dagiti kameng ti Bureau of Fire Protection (BFP) – Mankayan.
Iti interview ti Bombo Radyo, kinuna ni SFO2 Garry Calaoa, nakaawatda ti tawag idi dandani alas onse ti agsapa seknan iti insidente ti uram
Maibasar iti imbestigasyon dagitoy, naduktalan a naliwayan dagiti dua nga estudyante a border ti nakasaksak a water heater.
Awan met ti nadangran iti napasamak nga insidente.
Iti agdama ket manarimaan ti panangduktalan dagiti otoridad iti danyos.
Naikonsidera met ti napasamak nga uram kas Minimal Damage Fire Incident (MDFI).//Bombo Marinel Rodrigo
