Kidkiddawen ni Mary Jane Veloso, maysa nga Filipina Overseas Filipino Worker a balligi nga naiyawid iti Pilipinas kalpasan a nakasuan iti drug trafficking idiay Indonesia, ti pannakawayawayana tapno maaywananna dagiti nagannak daytoy ken dagiti annakna.
Inyebkas na ti kiddaw daytoy babaen iti maysa a surat nga impablaak ti Migrante International.
Iti nasao a surat, kidkiddawen ni Mary Jane Veloso ti pannakawayawaya tapno makaduana dagiti pamilyana kalpasan iti 16 a tawen a saanda a nagkikita.
“Para sa inyong lahat na patuloy na sumusuporta sa akin saan mang bansa o kumunidad po kayo nagmula humihingi po ako ng tulong sa inyong lahat,wala na po akong ibang hiling kung hindi ang makapiling kung muli ang aking pamilya na naihiwalay sa akin ng higit kumulang 16 years,” kinunana iti nasao a surat.
“Nawa’y ipagkaloob na po sa akin ang pagkakataon na maalagaan ko ang aking mga magulang habang buhay pa sila at lalong-lalo na ang aking mga anak na hindi ko man lang nasubaybayan ang kanilang paglaki, gusto kong ipadama sa kanila na mayroon silang isang ina na sobrang nagmamahal sa kanila.” , innayunna pay.
Dinakamat met laeng ni Veloso a maasi daytoy iti kanayun a panagsinsinubli dagiti parentes na idiay Mandaluyong City manipud Nueva Ecija tapno laeng mabisita daytoy.
“Nais ko lang din po na malaman ninyo kung gaano ako nahihirapan na makita ang aking mga magulang na may edad na, nanggaling pa sa Nueva Ecija, bumiyahe ng 8-10 hours para lang bisitahin ako. At kailangan pa nilang maghanap ng pera sa kanilang pamasahe at pagkain na madadala sa akin,” dinakamatna iti surat daytoy.
Iti baet dayta, pinagyamananna metlaeng iti suratna dagiti amin a nangsuporta kenkuana.
Ni Veloso ket maysa nga Overseas Filipino Worker a nakasuan idiay Indonesia iti drug trafficking. Balligi a naiyawid daytoy iti pagilian a Pilipinas kalpasan a nagpinirma ti Indonesia ken Pilipinas iti pannakai-transfer ni Veloso iti pagilian a Pilipinas no sadino ti nakkaibaludan daytoy iti agarup 15 a tawen itan. // Bombo Karen Calpoe Sapirao
