Impetteng ni Senate Foreign Relations Committee Chair Erwin Tulfo a kasapulan nga adda ti nalawag a plano ken addang ti gobyerno seknan iti kumarkaro a tensyon idiay Middle East.
Kidkiddawen ni Senator Tulfo ti dagos a panangsigurado ti kinatalged dagiti Overseas Filipino Workers (OFWs) idiay kalpasan iti ipupusay ti maysa a Filipinas caregiver idiay Tel Aviv.
Idagdagadag pay ti nasao a senador iti naan-annay a panagsagana para iti evacuation ken repatriation protocols tapno masigurado nga awan ti mabati a Pilipino iti oras iti krisis.
Mainaig iti dayta, inpila ni Sen. Tulfo ti Senate Resolution No. 322 a mangkidkiddaw kadagiti maseknan a komite pakairamanan ti Foreign Relations, Department of Migrant Workers (DMW), ken Department of Energy (DOE) a mangisayangkat iti inquiry in aid of legislation tapno maadal ti contingency measures kontra iti posible nga epekto ti nasao a gulo. // BomboKCS
