Pangpanggepen ti gobyerno iti Pilipinas a pagbalinen a pagadalan dagiti naluguban a Philippine Offshore Gaming Operator(POGO) hubs idiay Porac,Pampanga ken idiay Bamban, Tarlac.
Sigun kenni Presidential Anti-Organized Crime Commission(PAOCC) executive director Gilbert Cruz, dagiti kagawaan ti Lucky South 99 idiay Porac ken ti Zun Yuan Technology Incorporated idiay Bamban ket subject to forfeiture pabor iti gobyerno kasaruno ti panakaduktal a maar-aramat dagitoy iti iligal ken kriminal nga aktibidad.
Innayonna a nasay-sayaat nga aramaten laengen dagiti nadakamat a pasdek para iti pagnumaran ti umili imbes a mabaybay-an a mabakante dagitoy.
Kabayatanna,immuna metten a naaramid kas pagbaludan ken rescue center ti naluguban metlaeng a POGO hub idiay Pasay City.
