BAGUIO CITY – Simmarungkat ditoy Baguio City dagiti dagiti 11 a nangangato nga opisyales ti probinsiya ti Zambales, pakairamanan ti Provincial Tourism Officer ken Provincial Health Officer.
Patien met ni Baguio City Market Superintendent Fernando Ragma Jr. a ti panagbisita dagiti nasao nga opisyales ket tapnu obserbaran dagiti paglintegan ti Baguio tapnu malapdan ti panagwaras ti COVID-19 iti lokalidad, pakairamanan ti panagakseptar ti siudad kadagiti turista ken ti operasyoon ti night market.
Dinakamatna a nakikoordinar kadakuada ti lokal a gobierno ti Zambales para iti panagturong ditoy siudad dagiti nasao nga opisyales.
Patien pay ni Ragma a tarigagay ti delegasyon a maka-adal manipud iti Baguio tapnu tuladenda iti panangipatungpalda met iti night market sadiay Zambales.
Naamuan a simmangpet ti delegasyon idi rabii ken manamnama nga agawidda ita a malem.
