Balligi a nakoronaan ni Chelsea Manalo ti Bulacan kas Miss Universe Philippines 2024 bayat a naala ni Stacey Daniella Gabriel iti Miss Cainta ti titulo kas 1st Runner Up, 2nd Runner Up ni Miss Quezon Province Marie Ahtisa Manalo, 3rd Runner Up ti Miss Baguio City a ni Tarah Valencia ken 4th Runner Up ni Miss Taguig City Christi Lynn McGarry.
Kalpasan dagiti nasao a titulo, inwaragawag iti Miss Universe Philippines Organization ti uppat pay a titulo para kadagiti ladies iti nasao a pasalip.
Nainaganan kas Miss Eco International Philippines 2024 ni Alexie Brooks iti Iloilo, Miss Cosmo Filipinas 2024 ni Ahtisa Manalo manipud iti Probinsia ti Quezon ken ni Tarah Valencia ti Baguio kas Miss Supranational Pilipinas 2024, nagun-od met ni Cyrille Payumo iti Pampanga ti Miss Charm Philippines 2024.
Naangay ti Miss Universe Philippines 2024 coronation night idi kalman iti Mall of Asia Arena.
