Napaliiw dagiti maseknan nga otoridad iti Commission on Elections-Benguet a bimmaba ti bilang dagiti nangipila iti kandidaturana ita a tawen no idilig idi napalpalabas nga eleksyon.
Iti interview ti Bombo Radyo kenni Atty. Elenita Julia Tabangin-Capuyan, Provincial Election Supervisor-Benguet, kinunana a kaaduan kadagiti nangipila iti kandidaturana iti napalabas a filing of Certificate Of Candidacy ket siguden a nagbalin a politician iti metlaeng nasao a probinsya.
Sigun kenkuana kaaduan metlaeng kadagitoy ket kakabagyan ken annak dagiti sigud metlaeng nga opisyal iti Benguet.
Impettengna metlaeng a kaaduan iti bilang dagiti nangipila iti kandidaturana iti nangat-ngato a posisyon kas iti kina-kongresista, kina-gobernador, kina-bise gobernador, kina-mayor ken kina-bise mayor no idilig iti nababbaba a posisyon.
