Nailukaten iti publiko publiko ti napabaruan a track oval ti Philippine Sports Commission idiay Teacher’s Camp ditoy Baguio City.
Indaolwan da PSC Chairman Patrick Gregorio ken Mayor Benjie Magalong ti ribbon-cutting ceremony a dinar-ayan dagiti dadduma pay a nanganagto nga opisyal ti Philippine Sports Commission ken Department of Education.
Pinasitan met ti nasao nga aktibidad dagiti Philippine National Team athletes ken coaches manipud iti Boxing, Kickboxing, Muaythai, ken Obstacle Course Racing a madama nga agsansanay idiay Teachers Camp.
Pinagyaman met dagiti atleta kas kada boxing olympians Eumir Marcial ken Nesty Petecio ti napapintas a pasilidad a mangipaay iti naan-anay nga inspirasyon ken agsanay para kadagiti salipan da a tournament.
Malaksid iti dayta, nakalukat met iti publiko ti track oval manipud alas tres ti malem agingga iti alas dies ti rabii nu sadino adda dagiti namuntar a dadakkel a silaw iti aglikmut iti nasaoa training facility.//Bombo Jordan Tablac
