![](https://img.bomboradyo.com/baguio/2021/02/pnp-1280x720-1.jpg)
BAGUIO CITY– Ad-adda a mapapartak ti panakaiproseso ita ti police clearance babaen iti online national police clearance system.
Iti interview ti Bombo Radyo ken Cordillera Administrative Region Training Center (CARTC) Executive Master Sargeant Bernard Briones, kinunanan a mabalinen nga agala ti maysa nga indibidual manipod iti dadduma a lugar iti police clearance dagitoy ditoy Baguio City wenno iti dadduma pay a lugar iti pagilian babaen iti nasao a systema.
Dinakamatna nga adda ita ti electronic blotter ti Philippine National Police (PNP) isut gapu a nalaklaka a maala ti rekord ti maysa nga indibidual.
Dinakamatna a nangrugi daytoy a naipatungpal idi Agosto 10, 2019 tapnu mapapartak ti panagproseso iti nasao a documento ngem ita iti naan anay a pannakaipatungpal daytoy.
Kabayatanna, ginuyuguyna met dagiti adda kadagiti nasusulinek a lugar nga agkiddaw laeng ti assistance iti kaasidegan nga stasyon ti pulisya tapnu maaddaan ti access iti nasao a sistema.