Impakaammo ni United States President Donald Trump nga ipaayanna iti Presidential Medal of Freedom ti napapatay a conservative youth activist a ni Charlie Kirk.
Iti memorial event idiay Pentagon kagiddan ti panakalagip iti maika-24 nga anibersaryo iti 9/11 terror attacks, impeksa ni Trump ti panakipagladingitna iti pamilya ni Kirk nga inladawanna kas champion of liberty ken inspirasyon kadagiti adu a tattao.
Ti Presidential Medal of Freedom ket ti kangatwan a civilian award idiay Estados Unidos sigun kenni Trump.
Mainaig iti dayta, impanamnama met ni Commissioner for the Utah Department of Public Safety Beau Mason nga ipaayda ti hustisya para iti panakapapatay ni Kirk.
Maipalagip a ti nasao nga activist ket pinaltugan ti saan pay nabigbig nga indibidwal kabayatan ti event idiay Utah Valley University idi laeng Mierkules
Sigun iti FBI Special Agent, narekober ti high-powered bolt action rifle iti kakaywan asideg iti nakapasamakan iti insidente a mapapati nga inaramat ti suspect.
Iti agdama,addaanen ti FBI iti person of interest ken manarimaan paylaeng ti manhunt operation.
