--Ads--
Impakaamo ti Department of Migrant Workers ita nga aldaw nga awan ti nadangran a Pilipino iti napasamak a panag-atake iti concert hall idiay Moscow.
Daytoy ket sigun kenni Usec. Ed de Vega babaen iti panangipablaak ni Department of Migrant Workers officer-in-charge Hans Leo Cacdac iti social media account daytoy.
Impadanon met ni Cacdac ti pannakipagladingitna kadagiti natayan ti pamilia iti nasao a panag-atake.
Kabayatanna, kinondenar ti gobierno ti Pilipinas ti nasao a panag-atake ken impeksa ti Philippine Embassy idiay Moscow ti panakipagriknada kadagiti napukawan ti ipatpategda iti biag.
Impasigurado met ti Philippine Embassy sadiay Moscow a nabalakadanen ti Filipino community nga agannad dagitoy iti nasao a lugar.
