BAGUIO CITY – Mailukatten ti kalsada sadiay Tacadang, Kibungan ken Kayapa, Bakun, Benguet nga immunan a napundoan iti dumanon P400-M.
Kinunana ni Benguet Caretaker Congressman Eric Go Yap a manamnama a maipaayan iti kalsada dagiti nasusulinek a lugar tapnu nalaklaka nga ibiyahe dagiti mannalon ti produkto dagitoy a nateng.
Patien ti kongresista nga iti kanito a maipasdek dagiti baro a kalsada ket mapangato pay ti produksyon ti nateng ken mapadur-as metlaeng ti turismo ti Benguet.
Inlawlawagna a naobserbaran nga adu ti napipintas a tourist destination iti nasao a probinsiya ngem saan a mapaspasyar dagitoy gapu iti pakaseknan ti dalan.
Inkari pay ti opisyal agtultuloy ti rehabilistasyon dagiti kalkalsada iti probinsiya ti Benguet kabayatan ti panagtugawna kas kongresista.
