--Ads--
BAGUIO CITY – Posible a mapasaran ti napigsa a La Niña wenno panagtudtudo iti kaaduan a paset ti Pilipinas agingga iti umuna a kuarter ti 2021.
Sigun iti Philippine Atmospheric, Geophysical and Astronomical Services Administration (PAGASA), posible a mapasaran ti kakaruan a La Niña iti maudi a paset ti 2020 ken agpaut daytoy inton Marso aginggat Mayo 2021.
Gapu iti daytoy, inballaag ti PAGASA ti posibilidad a mapasaran ti napipigsa a tudo, layos ken panagregaay iti nagduduma a paset ti pagilian.
Sigun pay iti weather bureau, kaaduan a paset ti pagilian ti makapasar iti above normal rainfall conditions bayat a marikna sadiay Mindanao ti arigna normal rainfall.
