--Ads--
Manamnama a marikna ti napudot unay a panawen iti pagilian agingga iti katengngaan ti Mayo.
Sigun kenni State Weather Bureau Forecaster Glaiza Escullar, amin a lugar iti pagilian ket makapasar ti nabara a temperatura agingga iti maikadua a lawas ti Mayo.
Dinakamatna nga adda ti posibilidad a ti kangatoan a temperatura ita a bulan ket ad-adda a ngumato pay iti sumaruno a bulan.
Siguden a mapaspasaran ti napudot a panawen ken tikag iti bulan ti Marso, Abril ken Mayo tunggal tawen ngem ti marikrikna a pudot ita a tawen ket ad-adda a kimmaro gapu iti El Niño phenomenon.
Immunan a nailista idi kalman, Abril 28 idiay Iba, Zambales ti 53 degrees celcius a kangatoan a heat index.
