![](https://img.bomboradyo.com/baguio/2023/01/Untitled-design.png)
Impanamnama ni National Electrification Administration Administrator ken Benguet Electric Cooperative Project Supervisor Antonio Mariano Almeda ti nasaysayaat a serbisyo iti kooperatiba.
Sigun kenkuana, namnamaenda nga iti kabiitan ket makasublin iti “Triple A” category rating ti BENECO kas maysa nga electric cooperative.
Innayonna pay a mangisayangkatda ti eleksyon para iti regular a board members ken president kalpasan iti panggepda a maurnos ti operasyonda sakbay nga agleppas ti agdama a bulan.
Sigun pay kenkuana, mapalubusan amin nga agtaray kas Board Member basta member-consumer isuna iti Benguet Electric Cooperative.
Dayta laeng, iti pannakiuman iti Bombo Radyo, saan met a maipanamnama ti BENECO Project Supervisor ti panagtalinaed iti presyo iti kuryente ta saanda nga iggem daytoy.
Nu pay kasta, impanamnamana nga aramidenna amin a kabaelanna tapno maipaayda ti nasayaat a serbisyo ken nagkiddaw daytoy iti suporta ken panagkaykaysa tapno maisubli ti sigud a reputasyon iti kooperatiba.