--Ads--
Sinuspendir ti Land Transportation Office (LTO) ti nasurok 100 a driving schools iti pagilian.
Dagiti nasuspindir a driving school ket masarakan iti Cetral Luzon, Calabarzon ken Metro Manila.
Sigun kenni LTO Chief Assistant Secretary Vigor Mendoza II, na-audit trail amin dagitoy iti sumagmano a rehion iti pagilian.
Impetteng ni Mendoza nga awan ti takas dagitoy agsipud nalawag ti bilin ni Transportation Secreatry Vince Dizon ken President Ferdinand Marcos Jr. kadakuada.
Sigun pay iti nasao nga opisial, kaadduan a nilabsing dagiti nasuspinder a driving school ket no-show wenno saan a panagtumpal iti umno a theoretical driver’s training.
Naipaulog metten ti show cause order kadagiti nasao a driving school tapno agpammalawag dagitoy.
