--Ads--
BAGUIO CITY – Manamnama a maiwaras ti nasurok maysa ribo a kopya ti Parent Guidebook kadagiti nagannak ditoy Baguio City kas paset ti programa ti DepEd Schools Division Office ken Federation of Parents and Teachers Association (FPTA).
Sigun ken FPTA President Atty. Ronald Perez, house to house a maiwaras dagiti nasao a parent book tapnu adda ti katulungan dagiti nagannak para iti panangisuroda kadagiti annakda nangruna tatta a maipatpatungpal ti distance learning gapu iti pandemya.
Inlawlawagna a saan a dagus a naimprinta ti kopya dagiti libro gaputa iti kinakurang ti pondo.
Nupay kasta, pinagyamananna dagiti pribado a sektor ken institusyon a timmulong tapnu makaur-nong iti pondo a maaramat para iti printing dagiti Parent Guidebook.
