Nagbakwit ti nasurok sangapulo a ribo nga umili idiay Negros Occidental kasaruno ti panagbettak ti Kanlaon Volcano.
Maibasar iti datos ti Negros Occidental Provincial Disaster Risk Reduction Management Office (PDRRMO), nagbakwit ti 7,294 manipod iti La Castellana, 1,486 manipod Bago City, 1,258 manipod La Carlota City, 722 manipod Pontevedra, ken 36 manipod Moises Padilla.
Ngem iti baet ti peggad, adu latta nga umili iti asideg ti bulkan ti nangpili nga agtalinaed kadagiti pagtaenganda iti laksid ti risgo a patauden ti zero-visibility ashfall.
Kabayatanna, immunan a nangisayangkat ti flushing operations ti Department of Public Works and Highways iti Barangay Ara-al, a kaaduan nga umili ti naapektaran.
Iti agdama, Alert Level 3 wenno adda iti “magmatic unrest” ti nasao a bulkan kasaruno ti panagbettakna iti agarup alas tres a tres ti malem idi Lunes.
