BAGUIO CITY -Dumanon iti 11,512 a teaching ken non-teaching personnel iti Cordillera ti agserbi iti May 9 National and Local Elections.
Iti panakiuman ti Bombo Radyo Baguio, kinuna ni DepEd-Cordillera Regional Director Dr. Estella Carino, kaadoan kadagitoy ket manipud Benguet a dumanon iti 2,831, sarunoen ti Ifugao nga 1,419.
Impettengna a nakasaganan dagiti mannursuro kalpasan a naipaisidongda iti panagsanay babaen iti COMELEC ken Department of Science and Technology (DOST).
Dinakamatna nga adda ti 1,406 a voting centers iti rehion, 2,152 a clustered precinct nu sadino tallo a mannursuro ti agserbi iti tunggal polling precinct.
Impettengna a manarimaan metten ti panakaisagana dagiti pagadalan ken barangay hall a maaramat kas polling centers wenno disso a pagbotosan kalpasan a nakanselar ti klase nangrugi idi Mayo 2 agingga Mayo 13.
Inyunay-unay manen ni Botilas kadagiti teaching ken non-teaching personnel a saanda a makipaset iti aniaman a kita ti electioneering ken Political Partisan Activities.
Kagiddan iti daytoy, impanamnama ti opisial a maipaay ti kasapulan dagiti mannursuro kas ti medikal, seguridad, benepisyo ken daduma pay nga inkari ti gobierno.
