BAGUIO CITY-Maidiaya ti nasurok 16,000 a trabaho iti maangay a job fair inton September 29, aldaw ti Sabado iti gym ti Baguio City National High School.
Paset daytoy dagiti aktibidad iti panakarambak ti 109th Charter Day Anniversary ti siudad ti Baguio.
Sigun kenni Public Employment Services Office (PESO) Manager George Fortea, nasurok 12,000 a trabaho ti idiaya ti 12 nga overseas job placement agencies a makipaset iti job fair.
Kinunana a kaaduan a trabaho para iti ballasiw taaw ket iti tay-ak ti medisina, engineering, hospitality-service industry, information technology, architecture wenno interior design ken iti construction.
Dinakamatna a mangidiaya met ti 30 a kompanya iti lokalidad iti nasurok 3,400 a trabaho.
Agawat met ti Cordillera Police Regional Office iti aplikasyon para iti 1,010 a baro a pulis bayat nga agawat ti Philippine Drug Enforcement Agency para iti 150 a baro nga operatiba.
Maipaay pay kagiddan ti job fair ti one-stop-shop dagiti serbisyo ti gobyerno, livelihood fair, wellness clinic kas iti libre a pukis, masahe, manicure ken pedicure ken libre nga international calls.
Balbalakadan ni Fortea dagiti agaplikar nga itugotda amin a kasapulan a dokumento
