Nasurok dua gasut a pamilya manipud kadagiti lima pulo ket siyam a barangay idiay Maguindanao del Sur ti napilitan nga agbakwit gapu iti nakaro a panaglayos nga intunda ti severe tropical storm Kristine.
Maibasar iti datus ti Provincial Disaster Risk Reduction and Management Office (PDRRMO), dagiti lima pulo ket siyam a barangay ket masarakan iti walo a munisipyo.
Karaman ditoy ti Datu Hoffer, Paglat, Datu Saudi Ampatuan, Pandag, Datu Abdullah Sangki, Ampatuan, Sultan idiay Barongis, ken Guindulungan.
Nalayos metlaeng dagiti sumagmamano a babbalay ken pagadalan idiay Barangay Tuka, Mamasapano.
Awan met ti nailista a casualty kadagiti nadakamat a lugar ngem agtaltalinaed ita kadagiti evacuation centers dagiti apektado a pamilya ken naipaayan metten dagitoy iti kaskenan a tulong.
