Nasurok dua gasut nga ubbing ti napapatay ken sangaribo sangagasut ti nadangran idiay Lebanon iti napalabas a dua a bulan, sigun iti United Nation children’s agency (UNICEF).
Ti nasurok makatawen a panagsusupiat idiay Lebanon ket nagresulta ti “all-out war” idi Setiembre idi nangiyuswat ti Israel ti opensibada kontra iti Hezbollah a supsuportaran ti Iran.
Sigun ti pannakangiwat ti UNICEF a ni James Elder, nagbalinen a normal ti pammapatay kadagiti ubbing idiay Lebanon.
Nagkedked met nga agkomento ni Elder nu siasino ti responsable iti pammapatay.
Maibasar iti datos a dinakamat ni Elder, adda ti nagpadaan ti panagsusupiat iti nagbaetan ti Lebanon ken idiay Gaza gapu iti napapatay nga ubbing iti nasurok a 43,000 a tattao a pimmusay iti nagbaetan ti Israel ken Hamas.
Iti agdama,mangipapay ti UNICEF ti psychosocial support kadagiti ubbing ken kasta met ti suplay ti agas, makan ken sleeping kits kadagiti rinibribo nga ubbing a pimmnaw manipod iti gubat.
