Apektado ti nasurok 200,000 katao ti nagbakwit kalpasan iti wildfire a napasamak idiay France no sadino dinmanun pay ti apoy iti dadduma a paset ti Espanya.
Sigun kadagiti awtoridad idiay France, nasurok 141,000 a residente ken turista ti nagbakwit manipud Gironde ken Landes.
Karaman kadagiti lugar a naapektaran ti peninsula iti Cap Ferret no sadino napilitan dagiti tattao a nagbakwit babaen ti bangka ken lugan gapu iti napartak a pinagwaras iti uram ken napuskol nga asuk.
Gapo met iti napigsa nga angin ken heatwave, napapartak pay ti panagwaras ti uram kadagiti baryo, campsite, ken komunidad.
Nangipatulod metten ti gobierno kadagiti firefighters, water-bombing planes, ken military personnel a mangsuporta iti operasion.
Dimmawat met iti tulong ti France iti European Union para iti kanayonan a gamit ken pwersa bayat iti panagbantay dagitoy iti lugar. // Bombo Khey Reparip
