--Ads--
BAGUIO CITY – Nakali ti 542 pound a vintage bomb nga addaan kaatiddog nga uppat a kadapan sadiay Purok 1, Dontogan, Greenvalley, Baguio City idi kalman.
Naamuan a nasarakan daytoy dagiti ubbing sadiay a dagus met a naiyuman kadagiti maseknan, partikular iti Baguio City Police Office (BCPO).
Sigun kenni PMaj. Francisco Cacas, commander ti BCPO – Station 9, narigatanda a nangkali iti nasao a bomba gaputa kabatbatuan ti naka-ikalian daytoy.
Dinakamatna nga aktibo ti bomba isut gapuna a naannad ti nagbalin a panagkalida.
Innayonna a ti nasao a bomba ket naaramat idi World War II.
