Baguio City- Pinagyamanan ken tinagiragsak dagiti nasurok tallo gasut a residente ti Irisan Barangay ti naipatungpal Goodhearted Volunteers (GV) Medical Mission idiay Idogan Covered Court.
Ti nasao a programa ket babaen iti panag-organisa iti lokal a gobierno ti Baguio ken ti Baguio Tourism Council.
Nagbalin met a posible ti programa babaen iti kolaborasyon ti Corbridge Group Philippines, Everlasting Lions Club, Saint Louis Sacred Heart Hospital ken Irisan Barangay.
Nagnumar iti libre a medical services dagiti residente kas eye check-ups, eyeglasses distribution, diabetes screening and medicines, flu vaccinations, blood pressure monitoring, hypertensive medicines, general check-ups ken well-being assessments.
Sigun kenni Baguio Tourism Council Chairman Gladys Vergara, ti medical mission ket mangipakpakita iti panagayat ken panagbinnadang iti tunggal maysa tapno maidanon ti tulong kadagiti agkasapulan.//JRT
