Nasurok 300 a drone ti nasamsam dagiti otoridad asideg kadagiti venue iti FIFA World Cup iti Estados Unidos manipod idi nangrugi ti pasalip idi Hunio 11, sigun iti Transportation Security Administration (TSA).
Nainget a maipawil ti panangipatayab iti drone iti uneg iti tallo a nautical miles dagiti stadium ken agingga 3,000 feet ti kangato tunggal aldaw dagiti laban, malaksid nu adda ti pammalubos manipod iti air traffic controllers.
Sugun iti TSA, ipatpatungpal iti federal government, kadua ti Federal Bureau of Investigation (FBI), Federal Aviation Administration (FAA), ken dadduma pay nga ahensia, ti nalawa nga airspace security ken drone mitigation program iti pakasaritaan iti World Cup.
Mabalin a mamulta iti agingga iti $75,000 ken mapilaan iti kaso a kriminal dagiti aglabsing, bayat a mabalin a makumpiskar dagiti drone.
Sigun iti report, awan ti senyales a dagiti nakumpiskar a drone ket adda tugotna nga aramas wenno paset iti plano a panangatake.
Nangilatang metlaeng iti gobierno iti $250 milyon para kadagiti anti-drone security measure kadagiti host state ken idiay Washington, D.C. sakbay ti torneo.
