BAGUIO CITY – Naisayangkat ti send-off ceremony para kadagiti 309 a pulis manipud iti Police Regional Office Cordillera a maipatulod sadiay Metro Manila para iti maisayangkat nga ASEAN Summit 2017.
Sigun kenni PCI Carol Lacuata, pannakangiwat ti Cordillera PNP, alas siete itay agsapa a nagrubuat dagiti contingent manipud iti Camp Dangwa paturong sadiay Metro Manila ken agtalinaedda sadiay agingga inton November 15.
Kinunana a dagiti nasao a contingent ket manipud iti Regional Public Safety Company, iti Baguio City Police Office ken iti Benguet Police Provincial Office.
Mainayon dagitoy iti regular a tropa ti National Capital Region Police Office a mangipaay iti seguridad kadagiti lugar a pakaisayangkatan ti ASEAN Summit.
Impannakelna pay a kanayon a mangipapaay iti augmentation ti Cordillera PNP kadagiti dadakkel nga aktibidad, saan laeng nga iti lokalidad ngem uray iti intero a pagilian.
—————- Filipino translation ———–
BAGUIO CITY – Isinagawa ang send-off ceremony sa 309 a pulis mula sa Police Regional Office Cordillera na ipapadala sa Metro Manila para sa Association of Southeast Asian Nations Summit and Related Meetings sa November 11 hanggang 15.
Ayon kay PCI Carol Lacuata, information officer ng Cordillera PNP, alas-siete kaninang umaga ay lumuwas na ang mga contingent patungong Manila.
Aniya, ang mga nasabing pulis ay mananatili doon hanggang sa November 15 o sa mismong araw ng pagtatapos ng ASEAN Summit.
Una nang sinabi ni Lacuata na ang mga nasabing pulis ay mula sa Regional Public Safety Company, Baguio City Police Office at ang Benguet Police Provincial Office.
Ang mga ito ay tutulong sa tropa ng National Capital Region Police Office na magbibigay ng seguridad sa mga lugar kung saan gaganapin ang ASEAN summit.
